Երկունք Թ. Դարու

Author Ծերենց

«Երկունք Թ. Դարու» պատմավէպին մէջ հանդէս կու գայ «ժողովուրդին մարդը»՝ Խութեցի Յովնանը, որ ոչ իշխան մըն է, ոչ՝ նախարար, ոչ՝ կղերական եւ ոչ ալ փափաք ունի աթոռակիր մը ըլլալու: Ան որպէս հասարակ ժողովուրդի անդամ, սասունցիի խրոխտ կեցուածքով ու անգերազանցելի քաջութեամբ կը հրահրէ ժողովուրդը արաբական խալիֆայութեան դէմ պայքարելու եւ վերականգնելու Բագրատունեաց պետութիւնը:  Յովնան ազնուականութիւնը կ'անուանէ՝ «բազմագլխանի վիշապ» եւ կը հաւատայ, որ երկրի մը անկախութեան գլխաւոր յենարանը՝ «Ժողովրդոց բանակ»ն է: Յովնանի կերպարին մէջ Ծերենց կ'ընդգծէ մարդկային առաքինութեան բարձր յատկանիշեր՝ անձնազոհութիւն, անշահասիրութիւն: Ուշագրաւ են Յովնանի յանկարծակի յայտնութիւնները, կարծես նախազգացումով մղուած կը հասնի հոն, ուր վտանգը գոյ է, արաբներու շարքերուն մէջ ահ ու սարսափ տարածելով:  Պատմավէպը կը ներկայացնէ «երկունք»էն ծնող ժողովուրդը, որ կը յաղթէ ու կը վերականգնէ երկրին անկախութիւնը:

BOOK DETAILS

69,198

Armenian

Technolinguistics

978-1-64068-179-8

Also available in audio

Download Vlume app on read on your mobile!