Սիրելի՛ 10-րդ դասարանի չափ հայերէն լեզուին ծանօթներ, ահաւասիկ այն գիրքերը, որոնք կրնան ձեզի յարմար ըլլալ։
Ցանկ՝ https://vlume.com/hye/my-list/reading-list/1172
Ընթերցանութեան կախարդական արահետով քալելով՝ հարստացանք, զինուեցանք, հմտացանք ու հասանք արդէն այս մակարդակին։ Այժմ մեր առջեւ բացուած են աւելի շատ արահետներ, ուր մենք անպայման պիտի գտնենք մեր տարիքին կամ հմտութիւններուն ու նախընտրութիւններուն համապատասխան գիրքեր։Ամէն գիրք նոր հնարաւորութիւն մը կը ներկայացնէ մեզի։
Հնարաւորութիւն՝ աւելի ազատ, աւելի ճիշդ ու հմուտ կերպով իւրացնելու մեր մայրենին։
Հնարաւորութիւն՝ աւելի խոր ու ամբողջական ծանօթանալու հայ հարուստ ու բազմաժանր գրականութեան։
Հնարաւորութիւն՝ մեր սէրը ճիշդ լեզուով ու բառերով արտայայտելու։
Որքան շատ կը կարդանք, այդքան աւելի կը սիրահարուինք աշխարհի բացառիկ ու հին լեզուներէն մէկուն՝ հայերէնին։