1835 թվականի այս օրը աշխարհ եկավ Սամուել Լենգհորն Քլեմենսը՝ մեզ առավել հայտնի որպես Մարկ Տվեն։
Մի գրող, որին ուղղակի չենք կարդում, այլ նրա հետ ճանապարհորդում ենք, ծիծաղում, խորհում, և երբեմն էլ պարզվում է, որ նա մեզ պատմում է հենց մեր սեփական պատմությունները։
Նա գրող էր ու միևնույն ժամանակ դիտորդ, որ տեսնում էր հասարակության թաքնված հակասությունները, մարդկանց մեծ ու փոքր թուլությունները և դրանք վերածում էր պատմությունների, որ կարդում ենք ժպիտով, բայց հիշում՝ մտածմունքով։
«Թոմ Սոյերի արկածները» և «Հեքլբերի Ֆինի արկածները» միայն մանկական պատմություններ չեն․ դրանք ազատության, բարոյականության, ընկերության ու խիզախության մասին գրքեր են, որոնցում Տվենը թողել է իր անզուգական ձեռագիրը՝ պարզ, կենդանի, լուսավոր։
Տվենը սիրում էր ասել․
«Կյանքում երկու օր կա, որ ամենակարևորն են․ այն օրը, երբ ծնվում ես, և այն օրը, երբ հասկանում ես՝ ինչու»։
Ինքը հաստատ գիտեր իր «ինչու»-ն։ Նրա «ինչու»-ն մեզ ժպիտ պարգևելն էր, մտածել սովորեցնելը և հիշեցնելը, որ երբեմն ճշմարտությունը լավագույնս ասվում է հումորով։
Տվենը համաշխարհային գրականությունը գրավեց իր յուրօրինակությամբ։
📲Մարկ տվեն՝ https://vlume.com/hye/item/EB-1554