Խորհուրդ ենք տալիս կարդալ․ Գի դը Մոպասան «Մահվան պես հզոր»

«Քանզի հզոր է սերը մահվան պես, խանդը դաժան է դժոխքի նման»։

Երգ երգոցի հենց այս հատվածն է ոգեշնչել Մոպասանին, որ նա գրեց իր գլուխգործոցներից մեկը՝ «Մահվան պես հզոր» գիրքը։

Ֆրանսիացի մեկ այլ գրող՝ Անդրե Մորուան, նշում է, որ եթե ​​Մոպասանի ընկերները՝ Ֆլոբերն ու Զոլան իմանային, որ նրա գիրքը մի օր ընդգրկվել է ժամանակի լավագույն սիրային վեպերի շարքում, նրանք կծիծաղեին դրա վրա։

Մարդ, որն ամբողջ կյանքում արհամարհել է սերը և տրվել է միայն մարմնական հաճույքներին, չէր կարող այսքան զգացմունքային ու այսքան սիրային գիրք գրել։

«Մահվան պես հզոր» վեպում նկարագրվում է մի նկարչի ու կոմսուհու սիրո պատմությունը:

Նրանց երջանկությունը խաթարվում է, երբ մի օր հանկարծ երկուսն էլ հասկանում են, որ նկարիչը սիրահարված է կոմսուհու դստերը։

Այստեղ հեղինակը ներկայացնում է ոչ միայն սիրո պատմություն, այլև ցույց է տալիս հարատև վախը ծերությունից։

Եթե դեռ չեք կարդացել ֆրանսիական գրականության լավագույն էջերից մեկը, ապա մի կորցրեք պահը, կարդացեք հիմա՝ https://vlume.com/hye/item/EB-1231

Իսկ ձայնագրքերի սիրահարները կարող են լսել ահա այստեղ՝ https://vlume.com/hye/item/AB-10881