Այսօր աշխարհին հայտնի, մանուկների սիրելի հեքիաթագիր Հանս Քրիստիան Անդերսենի ծննդյան օրն է: Պատահական չէ, որ ամեն տարի հենց այս օրն է նշվում Մանկական գրքի օրը: Այս հատուկ օրը մեզ հիշեցնում է, որ մանկական գրքերը պարզապես պատմություններ չեն, այլ դռներ՝ բացված դեպի երևակայության անսահմանություն: Մանկական գրքերում երեխաները հանդիպում են արքայադստրերի և արքայազների, վիշապների և կախարդների, ճամփորդում են հեռավոր երկրներ և ժամանակներ: Նրանք սովորում են կարեկցանք, քաջություն և ընկերության արժեքը։ Ամեն անգամ, երբ փոքրիկ ձեռքերը բացում են նոր գիրք, նոր արկածներ են սկսվում, և նոր երազանքներ են ծնվում:
Այս օրը նշենք՝ ընթերցելով մեր սիրելի մանկական գրքերը, հիշելով այն պատմությունները, որոնք ոգեշնչել են մեզ մանկության տարիներին: Եկե՛ք հենց այս նշանակալի օրվանից Մանկական գիրքը դարձնենք մեր լավագույն ընկերը: Չէ՞ որ այդ փոքր ծավալի մեջ կան անթիվ առավելություններ՝ հակիրճություն, պարզություն, մատչելիություն, մեղմ հումոր, վառ երևակայություն և, իհարկե, նկարազարդումներ։
Հանս Քրիստիան Անդերսեն՝ https://vlume.com/hye/person/EN-14
Մանկական գրականություն՝ https://vlume.com/hye/category/19/sub_category/1901