Նար-Դոսի «Աննա Սարոյան» վիպակը նամականի է, որտեղ նամակագրվում են Հռիփսիմե և Աննա Սարոյան քույրերը: Սակայն ընթերցողին ներկայացված են միայն Աննայի նամակները, որոնցում նա պատասխանում է Հռիփսիմեի հարցերին և պատմում իր ընտանիքի մասին: Քսաներեք նամակների միջոցով հեղինակը բացահայտում է իր ծագմամբ ու դաստիարակությամբ քաղքենիական միջավայրին պատկանող Աննային, ով ականատես է լինում այդ խավի սոցիալական կործանմանը։ Այս վիպակը Նար-Դոսի՝ կյանքի ռեալիստական վերլուծության առաջին փորձն է եղել, որով էլ արժանացել է գրական հասարակության ուշադրությանը։
Գիրքը կարող եք կարդալ այստեղ՝ https://vlume.com/hye/item/EB-1437