Կրկին իրար են հանդիպել հայերենի երկու լեզվաճյուղերը՝ արևմտահայերենն ու արևելահայերենը։ Արդեն հասկանալի է, որ այս հանդիպումն ավարտվելու է որևէ հետաքրքիր, գուցե, զվարճալի պատմությամբ։ Ինչո՞ւ, որովհետև գաղտնիք չէ, որ նույն բառը երկու լեզվաճյուղերում ունի իրարից շատ տարբեր նշանակություն։ Մենք մեր «Այսքան տարբեր հայերեններ» շարքով, փորձում ենք հերթով անդրադառնալ և ձեզ ներկայացնել նման բառերի տարբերությունները։ Այս անգամ կանգ ենք առել ՀԵՌԱԽՈՍ և ՀԵՌԱՁԱՅՆ բառերին։ Արևելահայարենում հեռախոսով զանգում են, իսկ արևմտահայերենում՝ հեռաձայնով հեռաձայնում են։ Իսկ արևմտահայերենին լավ չտիրապետող մարդուն, եթե խնդրեն հեռաձայնել, շատ հավանական է, որ նա պարզապես հեռվից ձայն տա։ Մենք՝ որպես երկու լեզվաճյուղերի կրող ու տարածող, մեր պարտքն ենք համարում ամեն անգամ ամրացնել ու ձգել այն հանգույցը, որով իրար են միանում արևելահայերենն ու արևմտահայերենը։Իսկ եթե ցանկանում եք դուք էլ միանալ մեզ ու ամրացնել հայերենի երկու լեզվաճյուղերի կապը, ապա կարդացեք, շատ կարդացեք հավասարապես երկու լեզվաճյուղերով էլ։ Մեր գրադարանը ձեզ տալիս է այդ հնարավորությունը՝ գտնել շատ գրքեր և՛ արևելահայերեն, և՛ արևմտահայերեն։
Web: https://vlume.com/
Android: https://vlume.com/download/android
iOS: