Նրանք, ովքեր սիրում են կատակն ու սրամիտ խոսքը, ապա հաստատ մեծ բավականությամբ կկարդան նաև հայտնի գրողների մասնակցությամբ զվարճալի դեպքեր: Չէ՞ որ նման պատմությունների շնորհիվ մենք հնարավորություն ենք ունենում տարբեր կողմերից ճանաչել տարբեր ժամանակների գրողներին: Սա է պատճառը, որ պարբերաբար ներկայացնում ենք զվարճալի դեպքեր հայտնի գրողների մասնակցությամբ: Այս անգամ անդրադարձել ենք ֆրանսիական գրականության կարկառուն ներկայացուցիչ՝ Դյումային: Այս պատմությունը գուցե անծանոթ լինի ձեզ, բայց Դյումայի հումորն ու սրամտությունը հաստատ ծանոթ է:
«Ալեքսանդր Դյումա, ժամանելով Ֆրանսիայի քաղաքներից մեկը, ցանկություն հայտնեց այցելելու տեղի գրախանութը: Գրողի որոշման մասին տեղեկանալով՝ շատ սիրալիր գրավաճառը բոլոր գրադարակներին շարեց Դյումայի գրքերը: Երբ Դյուման մտավ գրախանութ, շատ զարմացավ և հարցրեց.
– Իսկ որտե՞ղ են մյուսների գրքերը։ Շփոթված գրավաճառը պատասխանեց.
– Մյուսների գրքերը վաճառվել են»։
Դյուման բացառիկ է իր սրամտությամբ, իր թողած ժառանգությամբ, ժառանգով: Իսկ ժառանգն էլ իր հերթին է բացառիկ «Կամելիազարդ տիկին»-ով՝ https://vlume.com/hye/item/VP-84