Ուրախ ենք տեղեկացնելու, որ մեր սիրելի մանկապատանեկան մատենաշարը՝ «Նախասիրած Մարզախաղս», հարստացաւ գունաւոր ու բովանդակալից գիրքով մը եւս։ Այս անգամ միասին կը բացայայտենք «Մարմնամարզութիւնը» (Gymnastics):
Մարմնամարզութիւն՝ https://vlume.com/hye/item/EB-1710
Այս փոքրիկ գրքոյկը ուղեցոյցի պէս երեխաները կը տանի հետաքրքրական ճամբորդութեան մը՝ Հին Յունաստանի մարզիկներէն մինչեւ արդի Ողիմպիական հարթակները: Գիրքը պարզ եւ մատչելի լեզուով կը պատմէ.
Մարզաձեւին տեսակները. Գեղարուեստական, Գեղագիտական (Ռիթմիք) եւ Ցատկացանցի (Թրամփոլին) մարմնամարզութիւն:
Սարքերու աշխարհը. Ինչո՞վ կը տարբերին կիներու եւ այրերու վարժութիւնները՝ օղակներէն մինչեւ հաւասարակշռութեան գերանը:
Հմտութիւններ եւ Գաղտնիքներ. Ի՞նչ է «Կատարեալ 10-ը», ինչպէ՞ս դատաւորները կը գնահատեն ելոյթները եւ ինչո՞ւ մարզիկները կաւիճի փոշի կը գործածեն:
Գիրքին մէջ յատուկ տեղ յատկացուած է մեր մեծերուն: Երեխաները պիտի ծանօթանան հռչակաւոր Հրանդ Շահինեանին եւ Ալպերթ Ազարեանի, պիտի ներշնչուին մերօրեայ հերոս Արթուր Դաւթեանին յաջողութիւններով:
Մարմնամարզութիւնը միայն մարմնի մարզում չէ, այլ կը սորվեցնէ նաեւ կեդրոնացում եւ կարգապահութիւն: