«Հայ Գրականութեան Գոհարներ» շարքը կը հարստանայ նոր գիրքով մը։ Այս անգամ ընթերցողին ձեռքը կը հասնի Վահան Թոթովենցի անմրցելի ինքնակենսագրական վէպը՝ «Կեանքը Հին Հռովմէական Ճանապարհի Վրայ»` https://vlume.com/hye/item/EB-1752
Այս պարզապէս մանկութեան յուշերու հաւաքածոյ մը չէ։ Թոթովենցը իր անկրկնելի ու քնարական լեզուով ընթերցողը կը տանի դէպի հին արեւելքի այն խորհրդաւոր փողոցը, որ սկիզբ կ’առնէր Հռոմէն ու կը հասնէր մինչեւ Պաղտատ։ Այդ ճամբուն վրայ կը բացուի մարդկային տրաման՝ ազնուական, յամառ ու հպարտ հօրը եւ խոնարհ, լուռ, բայց խորունկ մօրը միջեւ։
Իւրաքանչիւր էջին մէջ հեղինակը նուրբ թախիծի, հիւմորի եւ անհուն ջերմութեան միջոցով կը մղէ խորհիլ կեանքի, մահուան, ընտանեկան սրբութեան եւ անդարձ անցած մանկութեան մասին։ Մօրը անսահման սէրն ու հօրը վերջին ճամբորդութեան պատրաստութիւնը կը դառնան հայ գրականութեան ամենայուզիչ ու պատկերաւոր էջերէն մէկը, որոնք մինչեւ այսօր ալ կը հպին իւրաքանչիւր ընթերցողի հոգիին։
Այս արժէքաւոր հատորը հնարաւորութիւն կու տայ նոր սերունդի ընթերցողներուն վերստին բացայայտելու հայ դասական գրականութեան ամենալուսաւոր ու հոգեհարազատ գոհարներէն մէկը։