«Համաշխարհային Գանձեր» շարքը հարստացած է նոր գիրքով մըն ալ։
«Հողը Պատմութիւններ Կը Յիշէ»՝ https://vlume.com/hye/item/EB-1700
Աշխարհի տարբեր ժողովուրդներու ամենահին յիշողութիւնները, արարչութեան առասպելներն ու բնութեան հետ ներդաշնակ ապրելու իմաստութիւնը մէկտեղուած են այս գեղեցիկ ու բացառիկ գրքին մէջ։
«Հողը պատմութիւններ կը յիշէ» գիրքը մեզ կը տանի Հիւսիսային Ամերիկայի առաջին ժողովուրդներու աշխարհը։ Այստեղ Երկնային Կինը պարելով կեանք կը բերէ աշխարհին, Սպիտակ Գոմշուկ Կինը ժողովուրդին կը փոխանցէ խաղաղութեան եւ յարգանքի պատգամները, իսկ խորամանկ Ագռաւը խաւարէն կը խլէ լոյսը՝ զայն նուիրելով բոլոր մարդկութեան։
Ասոնք պարզապէս պատմութիւններ չեն, այլ հազարամեակներու խորքէն հասած յիշողութիւններ. պատմութիւններ են, որոնք կը սորվեցնեն, թէ մարդը բնութեան տէրը չէ, այլ անոր մէկ մասնիկն է, եւ թէ աշխարհը կը ստեղծուի ու կը պահպանուի համագործակցութեան, քաջութեան ու փոխադարձ յարգանքի շնորհիւ։
Այս գիրքը փոքր ու պատանի ընթերցողներուն հնարաւորութիւն կու տայ բացայայտելու աշխարհի տարբեր մշակոյթները, ծանօթանալու բնիկ ժողովուրդներու հարուստ ժառանգութեան։